| 
 Tum Mere Paas Raho
Faiz - Nisaar Main Teri Galiyon Ke Ai Watan, Ki Jahaan
Nisaar Main Teri Galiyon Ke Ai Watan, Ki Jahaan
Chali Hai Rasm Ki Koi Na Sar Uthaa Ke Chale
Jo Koi Chaahane Waalaa Tawaaf Ko Nikle
Nazar Chura Ke Chale, Jism-O-Jaan Bacha Ke Chale
Hai Ahl-E-Dil Ke Liye Ab Ye Nazm-E-Bast-O-Kushaad
Ki Sang-O-Khisht Muqayyad Hain Aur Sag Aazaad
Bahot Hain Zulm Ke Dast-E-Bahaana Joo Ke Liye
Jo Chand Ahl-E-Junoon Tere Naam Lewaa Hain
Bane Hain Ahl-E-Hawas Muddai Bhi, Munsif Bhi
Kise Wakeel Karen, Kis Se Munsifi Chaahen
Magar Guzarane Waalon Ke Din Guzarate Hain
Tere Firaaq Men Yoon Subh-O-Shaam Karte Hain
Bujha Jo Rauzan-E-Zindaan To Dil Ye Samajha Hai
Ki Teri Maang Sitaaron Se Bhar Gai Hogi
Chamak Uthe Hain Salaasil To Hamane Jaana Hai
Ki Ab Sahar Tere Rukh Par Bikhar Gai Hogi
Gharaz Tasawwur-E-Shaam-O-Sahar Men Jite Hain
Giraft-E-Saaya-E-Deewaar-O-Dar Men Jite Hain
Yun Hi Hamesha Ulajhati Rahi Hai Zulm Se Khalq
Na Unki Rasm Nai Hai, Na Apani Reet Nai
Yun Hi Hamesha Khilaaye Hain Hamne Aag Men Phool
Na Unki Haar Nai Hai, Na Apani Jeet Nai
Isi Sabab Se Falak Ka Gilaa Nahin Karte
Tere Firaaq Men Ham Dil Bura Nahin Karte
Gar Aaj Tujh Se Judaa Hain To Kal Baham Honge
Ye Raat Bhar Ki Judaai To Koi Baat Nahin
Gar Aaj Auj Pe Hai Taala-E-Raqeeb To Kya
Ye Chaar Din Ki Khudaai To Koi Baat Nahin
Jo Tujhse Ahd-E-Wafaa Ustawaar Rakhte Hain
Ilaaj-E-Gardish-E-Lail-O-Nihaar Rakhate Hain 
Best Poetry Images http://www.shaheenz.com     | | | | | |
--
You received this message because you are subscribed to the Google Groups "Virtual University of Pakistan 2009" group.
To post to this group, send email to virtual-university-of-pakistan-2009@googlegroups.com.
To unsubscribe from this group, send email to virtual-university-of-pakistan-2009+unsubscribe@googlegroups.com.
For more options, visit this group at http://groups.google.com/group/virtual-university-of-pakistan-2009?hl=en.
No comments:
Post a Comment